Mocidade mirandesa, ua mocidade cíbica i partecipatiba.

La nuossa mocidade nun sta a drumir... Pude haber siempre quien pense que la mocidade de hoije an die nada faç pul feturo de las nuossas tierras, mas esso nun ye berdade. Pul menos por eiqui.

Astanho muitos moços decidiran nun fazer bacanças de brano. Ls moços i moças de Miranda tenen feito un cachico de todo pra ajudar la nuossa tierra.
Hai giente pra todo: proteger la floresta i las arribas, OTL’S (Ocupaçon de Tiempos Lhibres), bumbeiros, campanhas contra la biolência en casa, i l zambolbimiento de programas de oucupaçon i animaçon de las bacanças pra nuobos i bielhos.
Todos trabalhan pra que astanho l brano seia mais ua beç un brano de fiesta i que aqueilhes que regressan a casa se quedan mui cuntentos purque la mocidade sta a cuidar bien de la tierra de todos nós.
Este ye l eisemplo a seguir. Tenemos cada beç mais ua mocidade cun muito cibismo, ua mocidade partecipatiba. Parabienes a todos.
Esta semana la nuossa associaçon - ARJM - bai apersentar l cartaç oufecial de las atebidades de brano. Quedai atientos...

Agarra-me estes Palos
cun la mocidade mirandesa!