segunda-feira, janeiro 12, 2009

2008-2009 l bienio de las mudanças?

2008 ya stá anterrado, mas nun fui fácele, puis astanho que passou l mundo mudou i muito.
Anterrado l anho, hoije, nel mundo, la giente ten medo dua nuoba crise mundial, ne ls Stados Ounidos hai un persidente negro pula purmeira beç na stória. An Pertual, ls pursores lhuitan pula sue abaluaçon, apareciu la nuoba lhei de l tabaco, naciu l cumputador Magalhanes, Cristiano Ronaldo ganhou la bota d'ouro, Nelson Évora ganhou l'ouro ne ls Oulímpicos. An Miranda naciu la ARJM, la assoçiaçon de la mocidade mirandesa, la OTAD morreu i l feturo solo dius sabe, i hai que recordar tamien que naciu l festibal GEADA.
I an 2009?
Ne l nuobo anho, la crise bai demudar l capitalismo ne l mundo, l'Ouropa bai scolher l sou persidente, Pertual bai scolher l purmeiro-menistro i l goberno, i l nuosso cunceilho bai scolher l nuobo persidente de la camara. Mas esto bai ou nun bai demudar?...

FELIÇ ANHO NUOBO!

3 comentários:

manel disse...

Home, Dius querga que demude muita cousa...
Uas quantas nien sequiera bal la pena falar, yá que ye buntade de muita giente, mas hai uas poucas que quiero que se mantengan, e demuden un cachico:
- Que l Geada se cuntinue a fazer, i cun mais fuorça, assi cumo la ARJM!
- Que ls mirandeses partecipen ne ls eibentos que se fagan na sue tierra (nomeadamente l Geada, Antercéltico, L burro i l Gueiteiro, antre outros...)
- Que haba paç na tierra, tanto an Israel cumo nas Tierras de Miranda!

Anónimo disse...

ah manel, isso pals lhados del medio ouriente stan recusidos...andan assi hai anhos, nun ha-de demudar muito...
agora, l GEADA, la ARJM e todo l demas, ya ampecei a notar que, esta jubentude, ya se stan a começar a ajuntar a nos, pauliteiros e tocadores...

Sérgio Deusdado - MMS Bragança disse...

Bou a tentar scribir an mirandés...hehe

Hay que lhembrar a la Microsfot que que dsenvolvam un corretor ourtografico pl mirandés. Buono isto até ye dibertido, chenico de erros mas penso se m'antende.

An purmeiro agradecer l' blog que ye muy buono e qauise q' aposto que ye site mais besitado dl conceilho.

Scribo para vos dezir que en 2009 l'paíz ten dous nubos partidos. You represento un deilhes nal distrito de Bragança. Ye l MMS- Movimento Mérito e Sociedade y trata-se dun partido difrente, sin políticos profissionales mas cun ideias que van d'ancontro al que las personas quirem, simplesmente, melhores gubiernos, l Estado menos politizado e mais etica na politica. E claro muita mais atençon al interior y a las regiones mais squecidas como ye la nuossa.

Deixo-bos eique l' anderço del blog que criei para l' distrito para que participeis cumo quejirdes:
mms-braganca.blogspot.com


Un abraço,
Sérgio Deusdado