domingo, março 29, 2009

Eilhes ténen que medrar antre lhaços i pingachos!

Hai rapazicos i rapazicas que an Miranda ampeçan agora a beilar, a tomar gusto por beilar, i eilhes quieren medrar a beilar. Son eilhes las froles de l baile na nuossa tierra, son eilhes l feturo de ls pingachos, binte cincos i Padre Antonhos. Por esso dezir a un destes moços que sta spulso de l baile (que nun ye nada más que la prática dua tradiçon), ye l mismo que matar l feturo de la tradiçon, ye l mismo que matar la frole más guapa que medra ne l praino. I esso nun puode acuntecer nunca más, nien an Miranda, nien ne l praino, nien an nanhue lhugar de l mundo adonde ninos quérgan daprender ua tradiçon!
Ye papel de ls mais bielhos correjir l que un nino faga de malo, castiga-lo para que el daprenda que nunca más puode tornar a fazer cousas malas. Ye papel de ls mais bielhos amanharen l lhugar para ls ninos beilaren, las fatiotas, las atuaçones, ye funçon de ls mais bielhos assi ourganiza-los. Nun ye papel de ls mais bielhos spulsá-los dua cousa que tanto gusto lhes dá, nun ye papel de ls más bielhos matar las mais guapas froles que medran antre lhaços i pingachos.
A quien lo fizo i speramos que nunca más l faga solo se puode dezir que muito ten que daprender cun to las personas que perserbórun las danças tradecionales de las Tierras de Miranda anté als nuossos dies.

Agarra-me estes palos!

5 comentários:

Anónimo disse...

isso ye bien berdade. a las bezes si hai que puxar uas ourelhas...mas nun se les puode dezir que no, quando ye algo que ye deilhes, tal cumo la cultura mirandesa.

Anónimo disse...

isso ye bien berdade. a las bezes si hai que puxar uas ourelhas...mas nun se les puode dezir que no, quando ye algo que ye deilhes, tal cumo la cultura mirandesa.

Anónimo disse...

educar, aculturar e aprender... esse deve ser o passo das crianças por qualquer actividade, seja ela qual for, os mais velhos devem ensinar, repreender e cativar para o bom crescimento dessa criança...

infelizmente ha pessoas que so por estarema frente de uma associaçao pensam que podem fazer tudo, mas esquecem-se que depende delas o bom crescimento das pessoas que participam nessa associaçao e o seu valor.

mais um episodio triste...

manel disse...

pus ye assi que stá l stado de las associaçones... giente que pensa que star alantre de ua associatiba cultural ye tener poder, i que s'amolen todos ls que ban alhá para aprenderem un cachico mais de las sues raízes.
la cultura nun stá nua perssona "presidente", stá an todos que fazen algo para que se mantengan las raízes bibas, i isso bé-se an açones, ne ls que tocan, beilan i falan, nó nesses que "mandan"

Anónimo disse...

o problema deve se que não sabem para eles, quanto mais ensinar os pequenos...