Ne l próssimo die 11 de Julho, ls melhores tocadores i cantadores de l praino ban star ne l strado de l Jardin de ls Frades Trinus, pul XXIII Festibal de la Cançon de Miranda de l Douro. L stórico festibal, ne l qual tenen nacido, alguas de las mais guapas músicas mirandesas, fai-se mais ua beç cun un regulamiento que deixa tristes to ls mirandeses. Mais ua beç, ne l regulamiento l mirandés ye bisto cumo ua lhéngua de opçon. Segundo l regulamiento, scrito tamien mais ua beç solo an pertués, "podem apresentar-se a concurso todas as pessoas individuais ou colectivas que não façam parte do júri ou da respectiva organização, podendo cada concorrente apresentar uma ou mais composições musicais inéditas, de duração não superior a quatro minutos, com tema livre e opcionalmente redigidas em Língua Mirandesa."
Assi mirandeses i mirandesas, se quien gobierna la nuossa tierra be l mirandés cumo ua lhéngua d'opçon, bós nun podeis fazer cumo eilhes.
Mirandeses i mirandesas apersentai to las buossas músicas na lhéngua de todos nós!
Que ne l festibal las arribas se sbarrulhen culs sonidos de la lhéngua mirandesa, que la giente bata palmas an mirandés, que se alçen de las sous cadeiras an mirandés, que canten an mirandés!
Ne l festibal de la cançon mirandesa, que se biba an mirandés!
1 comentário:
Tambien se falou mirandês. Para cuntentamento de miles de portugeses i nun solo, ls pauliteiros de miranda ,grupo folclórico de dues Eigreijas çlocórun-se als Stados Ounidos para participar na maior fiesta de la diaspora pertuesa fura de Pertual .Passeórun ls sous trajes na Brodwai i beilórun na famosa praça ,TimeSquare.Fazirun jus á sue mimória nomeadamente á de l sou fundador Pde. Mourinho.
Enviar um comentário