quarta-feira, outubro 07, 2009

Chipre: ua biaige an grande. (1º cachico)

Ya tornamos de la partecipaçon ne l "4º Mediterranean Dance Folk Festival" ne l Chipre!
Yá stamos por acá fai algus dies mas solo hoije bos ampeçamos a cuntar las stórias dua biaige a ua tierra bien defrente de la nuossa.
La biaige para l Chipre fui bien lharga, tubimos que salir de Miranda para Madrid, adonde teniemos l'abion a la nuossa spera, apuis mais ua paraige d'alguas horas an Praga, na República Checa para bolar anté al nuosso çtino, la cidade de Larnaca que queda na metade grega de l Chipre.
La chegada a Madrid i l retrato cun Luís Figo:
La bista de l hotel an Larnaca:
Ne l purmeiro die ne l Chipre beilamos an Yeri, ua tierra cerca de Nicosia, la capital de l Chipre, donde fazimos l'ansaio giral pa ls trés dies d'atuaçones ne l festibal.
Atuaçon an Yeri i an Larnaca:
Pauliteiros ne l çfile an Larnaca:
Ne l festibal stubírun tamien grupos de to l'Ouropa (Grécia, Polónia, Eslobénia, Spanha, Bósnia, Croácia, Itália, Rússia, Bulgária i Arménia) i tamien un grupo de l Egipto.
Inda tenemos mais stórias para bos cuntar mas queda para outro die...

Se quejirdes ber mais retratos carregai eiqui.

Agarra-me estes Palos!

1 comentário:

ToZe disse...

Até que enfim!
Só Pauliteiros somos para aí 15, musicos 5 ou 6 e ninguem comenta...
Yê perciso demudar las configuraçones del blog;ai que l poner acá uas gaijas ou uas minis, a ber se benem eiqui mais bezes y ampeça esto a quedar mais enteratibo...

Abraços!