L romper del die, 10 de Júlio de 1545, las pessonas ajuntorun-se ne l lhargo de l castielho. Giente nobre i giente probe. Eilhes benien de todos ls lhados. De Infainç, de Paradela, de Zenízio, de l Bumioso, d’ Algoso, de Bregancia, de Braga. L puobo de l reino staba en Miranda. Todos speraban la nuoba...A las puortas de Nuossa Senhora de L’ Amparo, las pessonas s’aquetobielhaban i s’ampurraban para antrar drento de las muralhas. Ls guardas de l castielho trataban de las apartar. Staba ua ambrulhada zgraciada.
An Miranda habie froles i mais froles, tapetes an las jinelas. La fetura cidade staba angalanada. Drento de l castielho habie fiesta. Ls bobos animaban la corte, ls nobres beilaban. A fuora habie ua grande feira, alha s’ancontraba de todo: burros, cabalhos, trigo, scrinhos de farina, bestidos... Mismo eilhi, ne l lhargo de l castielho, l puobo cantaba i beilaba las abas berdes, habie gueiteiros i tamborileiros, ls garoticos jogaban. Anfin Miranda staba an fiesta...
Nesto, çde un pequeinho barandin de l castielho, l scribo dou la nuoba: L rei D.Joan III por carta régia fai Miranda cidade por querer “fazer graça e merce a dita villa de Miranda assy pelos ditos respeitos como per seus merecimentos e serviços que a mim e aos Reys meus antecessores tem feytoo…”
Miranda de l Douro
10 de Júlio de 1945
1 comentário:
Buonas nuites,
Parabienes por screbirdes an mirandés. Gustarie de siempre porqui ler essa nuossa lhéngua. L tiempo i la prática bos ansinará a screbi-la cada beç melhor.
Quedo cuntento por ber que cuntinais por bun camino.
Un abraço,
Amadeu Ferreira
Enviar um comentário